Annar í jólum

og allir búnir að tileinka sér alla þá svefnóreglu sem hugsat getur, hér er vakað framyfir miðnætti og sofið til 9 og 10 á morgnana nema títlan sem sefur eins og unglingur til að ganga 12 og gaurinn sefur enn.

Hangikjötið í gær var alveg syndsamlega gott og ekki skemmdi jafningurinn fyrir heldur slurp, namm, ætluninn var að hafa svo afganga í kvöld en það stefnir allt í það að ekki verði úr miklu að moða í þeim efnum þannig að hér verður eldað læri sem búið er að vera þiðna í nokkra daga á köldum stað.

Við mæðgur lágum bara afvelta í gærkvöldi og  horfðum á báðar íslensku myndirnar sem sýndar voru á rúv og stöð 2 og svo varið lesið í bókini hennar Jónu og er hún hreint alveg snilld þessi bók.

Kútur er bara sáttur með sitt og neitar að fara útúr húsi nema í algerri neyð og sú neyð hefur ekki komið upp ennþá, ég að vísu gat pínt hann í kaffiboðið hjá foreldrum mínum í gær en það var nú bara vegna þess að þar gat hann horft á teiknimyndir og strítt frændum og frænkum alveg helling, honum þótti það nú ekki leiðinlegt þó að mér hafi nú ekki þótt öskrinn neitt skemmtileg.

Annars er stefnan tekinn á rólegheit í dag, búið að að taka þrifskver ryksugað og skúrað og hent í þvottavélina, ég nefnilega nenni ekki að safna upp þvotti þrátt fyrir hátíðar.

Jólaknús á ykkur elskurnar mínar.

Athugasemdir

[Jónína Dúadóttir, 26.12.2008 kl. 16:39]

[Gudrún Hauksdótttir, 26.12.2008 kl. 18:37]

Hjartanskvedja frá Jyderup

[Ásthildur Cesil Þórðardóttir, 26.12.2008 kl. 19:07]

Hehehehe sama hér, kærleikskveðja til þín og þinna Helga mín

[Heiður Helgadóttir, 26.12.2008 kl. 21:06]

[Valgeir Matthías Pálsson (IP-tala skráð) 27.12.2008 kl. 00:37]

Hæ Helga mín. Langaði bara að senda þér RISA knús og góða strauma svona í tilefni jólanna. Eigðu góðar stundir um jólin og vonandi heilsar nýja árið þér vel.

Knúsar og kossar.

Kv. Valgeir.