Það er bara

Sunnudagur, 10. febrúar 2008

eins og maður hafi ekkert annað að gera heldur en að blogga eða hanga á netinu,ég ætlaði reyndar að nota morguninn í það að taka til í fataskápum en hér sit ég enn og drekk mitt græna te,er að kúpla út kaffinu og fara í jurtateið í staðinn og er búin að prufa ja ég hugsa öll te sem til eru í heilsuhúsinu,en ég að vísu fæ mér 1 kaffibolla þegar ég vakna og svo ekki meir.

kútur minn er í smá lægð og heldur sér svolítið mikið til hlés þessa stundina er bara að dunda sér einn og engan að trufla og þar sem þetta er óskastaða margra foreldra að börnin kunni að dunda sér að þá verð ég að viðurkenna það að oft á tíðum sakna ég kútsins þegar hann er lyfjalaus og ég fann að hann var á lífi,hitt er annað að lyfjalaus getur hann ekki verið,það sýndi sig og sannaði þessar 2 vikur um daginn.

Ég stóð gaurinn að því að ljúga að mér í gær og mikið rosalega sárnaði mér,ég hef alltaf staðið í þeirri trú að börnin mín geti leitað til mín með alla hluti,en málið var að í þetta skipti ætlaði gaurinn sér á fyllerí og hann veit að ég samþykki ekki svol þannig að hann laug því að mér að hann væri að fara passa með vinkonu sinni og ég trúði því að sjálfsögðu,svo sagði stóra dóttlan mín mér annað,hann hafði þá hringt í hana og beðið hana um að gefa sér bjór sem hún og gerði og hún gaf honum 2 bresera og ég missti mig í geðíllsku við hana og tjáði henni það að ég færi gjörsamlega fyrir nesið og aftur til baka ef hún gerði þetta aftur,greyjið fór alveg í flækju og hélt að ég hefði vitað af þessu og lofaði mér því að gera þetta aldrei aftur,sem ég veit að hún stendur við.

Eins og ég hef áður komið inná þá er gaurinn óvenjumikið þroskaður miðað við aldur og það er akkúrat það sem leiðir til þess að hann vill prófa þessa hluti.

Við hins vegar áttum langt og gott samtal um þetta í gær og ræfilsdruslan var alveg eyðilagður yfir því að hafa logið að mér sem er bara gott á hann og hann sagði mér það að hann hefði ekki getað drukkið sökum slæms samviskubits í minn garð yfir þvi að vera að ljúga að þeirri gömlu hehe svo gott á hann.

Æji þessi elska hefur þurft að ganga í gegnum svo mikið svo ungur að ég skil hann að mörgu leyti að vilja prófa eitt og annað en sem betur fer þá viðurkenndi hann sín misstök og ef ég þekki minn mann rétt þá kemur hann ekki til með að fara á bakvið mig á næstuni,en bara svo þið haldið ekki að mér hafi fundist þetta allt í jolly þá fékk hann alveg sýna refsingu og hana við hæfi að mínu mati.

Ég seigji það að þegar þessi elska getur sagt mömmu sinni af hvaða strák hann er spenntur fyrir hverju sinni þá vill ég meina að það hljóti að ríkja gott traust okkar á milli og svona til að undirstrika það að þá bið ég hann um leyfi til þess að blogga um hann sem hann samþykkir því að í hans huga hefur hann ekkert að fela.

kærleikskveðja Helga.

Flokkur: Bloggar | Facebook