Jæja læknisferðin

afstaðin og það endaði með því að ég fór með öll 3 börnin mín,fyrst var það gaurinn útaf fæðingarblettum sem honum var ráðlagt að láta kíkja á og sem betur fer eru þeir hættulausir og hann ræður hvort hann vill láta taka þá eða ekki.

Næst var það kútur en okkur var vísað áfram til barnalæknis sem sérhæfir sig í meltingarfærum barna og á hún líka að senda beiðni áfram til bæklunarlæknis útaf fótunum hans.

Svo kom að títluni,hún tók uppá því að steypast öll úti í litlum bólum í gærkvöldi og var þetta mikið verra í morgun þannig að ég ákvað að taka hana með líka,eiginlega vegna þess að fimmta veikinn er að ganga hérna og lýsir hún sér eitthvað svipað í útbrotum,en sem betur fer kom bara í ljós að títlan á að minnka baðferðir en hún er baðsjúk og getur hangið í baði í fleiri tíma í einu,(talandi um móðusjúka mömmu) en allur er varinn góður, ekki satt.

Svo kom loksins að mér,ég fór nú aðallega útaf magaveseni og vildi líka fá beiðni til meltingarsérfræðings sem ég fékk,jæja en svo ákvað doksi að mæla blóðþrýstinginn og hann trúði ekki sínum eigin augum og mældi hann 3svar sinnum til viðbótar,spurði svo....þig hlýtur að svima mjög oft eða líða yfir þig og ég bara nei mjög sjaldan,þá sagði hann,blóðþrýstingurinn er alltof lágur hjá þér,bara alltof lágur,þannig að nú er bara alsherjar blóðrannsókn í fyrramálið og allt athugað sem hægt er að athuga held ég.

En svo ræddi ég rófubeinið á mér vegna þess að ég brotnaði þar fyrir einum 17 árum og fann svo eitthvað bresta fyrir um mánuði síðan í ræktini þannig að líklega er það brotnað aftur og ekkert hægt að gera,það nefnilega gréri skakkt á sínum tíma og líklega brotnaði það bara upp aftur,enda er ég orðin býsna flink í því að sitja sérkennilega og sumar æfingar get ég bara alls ekki gert þar sem ég þarf að sitja á bévítans beininu þannig að ég verð bara að sleppa þeim æfingum þangað til ég lagast(ef ég lagast).

 

Athugasemdir

[þóranna (IP-tala skráð) 6.3.2008 kl. 16:03]

jájá þú lagast elskan mín:)

[Stina systir (IP-tala skráð) 6.3.2008 kl. 20:07]

Afþví að þú ert svo dugleg að kvitta hja mer, þá kvitta ég he he, Láttu bara fjarlægja helv rófubeinið eða þannig sko. Það var nu gott að allt var í lagi með fæðingablettina, en þetta er ekki gott með þrýstinginn, vonandi verður gert eitthvað í því. Hringi í þig í fyrramálið ef ég vakkna snemma.

Góða nótt

[Gunnar Helgi Eysteinsson, 7.3.2008 kl. 07:46]

Þvílíkt og annað eins