Þar sem ég er alræmd vog

þá er það búið að taka mig hátt í 2 vikur að taka ákvörðun um það hvort ég ætti að skella mér á skagan í brúðkaup hjá minni ástkæru Fríðu,aðra stundina var ég á leiðini og hina stundina hætt við en nú er loksins kominn endnaleg ákvörðun á skagan verður lagt af stað seinni partin í dag og komið heim aftur á mánudag því þau gifta sig á sunnudag og ég nenni ekki að keyra heim seint á sunnudagskvöld.

Sylvían mín er að koma heim í dag af kiðagili og eins og sannri hænumömmu sæmir þá náttúrulega varð ég að fara að heimsækja hana í gær elskuna litlu og það var bara þrælgaman að sjá hversu mikið er gert fyrir börnin þarna,þegar ég koma var títlan að þæfa ull og búa til úr henni litla mús rosaflott hjá henni,daginn áður hafði hún verið á þrykkja mynd á bol fyrir sig og búa til armband út beini,allt saman rosalega flott,allir krakkarnir fóru í útreiðatúra,heimsóttugeitabú,dorguðu í gegnum ís,héldu kvöldvökur og margt fleira.Þetta er ábyggilega ferð sem seint verður gleymd og grafinn í minni þessara barna.

Ég ræddi fyrirhugaða skagaferð við kútinn í morgun og aldrei slíku vant þá er minn bara sáttur við þessa ferð og ekkert mögl hjá mínum,engin smá munur að geta loksins tekið einhverja skyndiákvörðun og hann sáttur með það.Alla jafna hefur þurft þvílíkan undirbúninginn fyrir allar svona ferðar alveg uppundir nokkrar vikur en svo bara núna ekkert mál,alveg ótrúlegt.

 

 

Athugasemdir

[Tiger, 18.4.2008 kl. 19:03]

  Hvaaa... alltaf gaman að fara í veislur sko. Elska veislur og góðan mat eða kökur! Gott að börnin hafa haft nóg að gera og skemmt sér vel, skemmtilegar stundir skilja alltaf eftir góðar minningar. Kúturinn þinn er náttúrulega að þroskast og því eldri sem við verðum því duglegri verðum við að taka hlutum með meiri ró og skilningi. P.s. ég er líka alræmdur vogarkaddl sko! Knús á þig ljúfan og eigðu yndislega helgi!

[Ásdís Sigurðardóttir, 18.4.2008 kl. 20:14]

Bara að drífa sig, gaman í veislum.  Vogin mín er svo heppinn að eiga mig fyrir konu, ég ákveð bara fyrir hann

[Heiður Helgadóttir, 19.4.2008 kl. 09:54]

Auðvitað ferð þú í veisluna, gæti vel hugsað mér að fara í ekta kökupartý