Átti yndislegan dag í gær.

Mánudagur, 12. maí 2008

Átti yndislegan dag í gær.

Hér var stjanað við mig á hægri og vinstri eftir að dóttir mín elsta kom, ég var búin að bjóða henni og kannski nýjasta fjölskyldumeðlimnum í mat og það var bara yndislegt að fá þau. Ég fékk 3 blómavendi í tilefni dagsins frá börnunum mínum og svo gaf elsta dóttir mín æðislega bók sem heitir, Minnisbók, með ósk um yndislegt líf og í henni eru svona hin ýmsu spakmæli, alveg rosalega falleg bók og seigjir einmitt svo mikið um það hversu mikið dóttir mín elskar mömmu sína og vill að henni líði vel alla daga.

Hér var grillað og læri stungið í ofninn sem búið var að krydda einhverjum 2 dögum fyrr og svo var það látið malla við vægan hita í 5 tíma, bara nammi og svo lungnamjúkt að kjötið nánast datt af beinunum og með þessu öllu var svo öll hugsanleg meðlæti.

Ég elska það að hafa öll börnin mín í kringum mig sér í lagi vegna þess að elsta dóttir mín bjó ekki með okkur í norge og það er svo gott að hún geti labbað hér inn hvænar sem henni dettur í hug og ekki skemmir það að hafa eitt stykki dóttirdóttir með í för sem ég elska jafnmikið og börnin mín.

Svo fékk ég systurdóttir mína í heimsókn 13 ára gamla og það var bara æðislegt að fá hana, hún býr hjá pabba sínum og maður sér þessa elsku alltof sjaldan, en nú er von til þess að það breytist því ég gaf pabba hennar símanr mín og það er bara vonandi að hann hafi samb þegar þau eiga leið hér í bæinn.

Þessi elska er svona bland í poka eins og kútur hjá mér og hún er svo yndisleg og svo skrýtið sem það var þá náðu hún og kútur vel saman, hann meira að seigja bað um knús frá henni og það er eitthvað sem aldrei hefur gerst áður, hvorki við hana né nokkrun annan nema þá við okkur foreldra sína og svo jú við systkini en aldrei barn sem hann sér svona sjaldan, manni bara vöknaði um augu þegar hann labbaði til hennar og sagði......Fæ ég knús.....Bara dásamlegt.

Ég gæti alveg trúað því að hann sæji einhver samsem merki þeirra á milli því báðar þessar elskur bera það með sér að vera ekki eins og börn eru flest.

Flokkur: Bloggar | Facebook

Athugasemdir

Yndisleg færsla Helga Mín, fékk tár í augun, ekki eins og börn eru flest, Helga mín þau sem eru ekki eins og flestir eru bestu ljósberar
sem fyrirfinnast og ber ætíð að koma fram við þau sem slík.
Ég er búin að eiga marga ljósbera sem vini í gegnum árin og núna á ég einn, í hvert skipti sem ég hitti hann þarf ég ekki að skapa mitt eigið ljós, hann gefur mér það.
Kærleikskveðjur til ykkar allra
Milla.