Jæja þá er búið að uppgötva uslan okkar

og var hann vel þeginn. Það var semsagt þannig að þegar við vorum fyrir sunnan þá ákváðum við að taka íbúðina í gegn sem við vorum með í láni. Án vitundar eigenda,(eigendur lánuðu okkur íbúðina en vissu ekki hvað við gerðum þar) það var málað eldhús og loft, gluggar lakkaðir sem og svalahurð, eldhúsinnrétting þrifinn að innan sem utan sem og allt í stofu. Skipt var um blöndunartæki inná baði og sett nýtt klósett og nýtt baðhengi og allt þrifið þar. Skipt var um stormjárn í gluggum og nýjar gardínur settar upp í öllum gluggum, svefnherbergið fékk líka smá yfirhalningu þar var þrifið, sett hreint á rúmið og skúrað sig út, allur þvottur þveginn, gluggar pússaðir að utan sem innan, allt puntudót sett í bað og þrifið. Skipt var ísskáp þar sem þau áttu annan nýjan útí bílskúr enn enginn gat borið hann með þeim upp. Bílskúrshurðinn var löguð og farnar voru fjórar ferðar í gámastöðina með eitt og annað úr íbúð og bílskúr svo þegar eigendur komu heim varð heldur betur á þeim upplit og vissu þau ekki hvað á þau stóð veðrið.

Enn þakklætið leyndi sér ekki þegar heyrt var í fólki í morgun og voru þau mjög ánægð með þær umbreytingar sem átt höfðu sér stað í þeirra hýbýlum. Málið er nefnilega það að þessi hjón hafa ekki heilsu sinnar vegna getað gert þessa hluti um langan tíma og langaði okkur þremur til þess að gleðja þau þegar heim væri komið úr því ferðalagi sem þau voru og sem betur fer þá þarf ég ekki að skipta um símannr eða flytja úr landi vegna þessa, þau hjón höfðu ekki eina einustu hugmynd um það hvað gekk á heima hjá þeim fyrren þau komu þangað í nótt

Þannig að nú er uslinn orðinn opinber og allir eru sáttir og ánægðir með sitt. Ekki slæmt að getað komið einhverjum svona á óvart, en það er reyndar ekki þar með sagt að allir myndu samþykkja svona yfirhalningu án þess að fá nokkru um það að ráða

 

Athugasemdir

[Birna Dúadóttir, 21.7.2008 kl. 09:32]

Glæsilegt

[Guðrún Emilía Guðnadóttir, 21.7.2008 kl. 09:44]

Helga mín þið eruð stórkostleg, það hefðu ekki allir hugsað svona,
Er kannski hægt að panta ykkur ég meina sko maður mundi borga efnið.
Knús kveðjur
Milla.

[Ásdís Sigurðardóttir, 21.7.2008 kl. 10:46]

Þið hafið greinilega tekið "allt í drasli" á hærra plan, þið megið sko vera stolt af svona framtaki, mikið held ég að fólkinu líði nú vel. Yndislegur USLI sem ábyggilega margir mundu vilja lenda í.  Ég er viss um að heilsa fólksins er betri eftir svona aðstoð. Þið eruð einstök.

[Helga skjol, 21.7.2008 kl. 11:06]

Takk fyrir kveðjurnar elskurnar, en þetta er líka bara svo hryllilega gaman að koma fólki svona á óvart

[Birna Dis Vilbertsdóttir (IP-tala skráð) 21.7.2008 kl. 11:54]

Góður vinur er gulls ígildi.Þú (þið)ert góður vinur

[Helga skjol, 21.7.2008 kl. 13:13]

Milla mín steingleymdi að svara þér, en það má skoða allt, hvað ertu með í huga

[Kristín Gunnarsdóttir, 21.7.2008 kl. 14:42]

Þið eruð bara ótrúleg elsku systir.

Stórt faðmlag frá systir

[Jenný Anna Baldursdóttir, 21.7.2008 kl. 14:47]

Jesús svo sætt.

[Hrafnhildur Ýr Vilbertsdóttir, 21.7.2008 kl. 17:13]

þvílíkt framtak....

[Ragnheiður , 21.7.2008 kl. 17:45]

Flott framtak hehe...gaman fyrir þau að koma heim í þetta :D

[Helga Magnúsdóttir, 21.7.2008 kl. 18:59]

Viltu ekki fá íbúðina mína lánaða? Væri sko alveg til í svona yfirhalningu.

[Jac Norðquist, 21.7.2008 kl. 19:32]

Frábært hjá ykkur. Ég veit fyrir víst að þau urðu afar glöð. Bestu kveðjur

Jac

[Kristín Katla Árnadóttir, 21.7.2008 kl. 19:45]

Frábært hjá ykkur og svo dugleg voða fannst gott að lesa þetta elsku Helga mín, þið eruð dásamleg.

[Kristín Katla Árnadóttir, 21.7.2008 kl. 19:47]

Fannst mér að fallegt að lesa þetta .

[Tiger, 22.7.2008 kl. 04:09]

Það er aldeilis dugnaðurinn á þínum bæ! Hver ætli myndi ekki gleðjast yfir svona frábæru framtaki? þetta var fallega gert og sýnir vel fallegt hjartalag þitt/ykkar..

Knús og kram í nóttina ykkar ...

[Anna Margrét Bragadóttir, 24.7.2008 kl. 01:45]

Flott hjá ykkur,það hefur verið æðislegt fyrir þau að koma heim

Knús á þig ;)

[Ásthildur Cesil Þórðardóttir, 26.7.2008 kl. 10:40]

Gaman að svona usla Helga mín.  Þetta er aldeilis frábært hjá ykkur.