Fyrsta nóttin afstaðinn.

Hjá títluni minni og gekk hún ljómandi vel, ég stóðst nú ekki freistinguna og hringdi í foringjan áðan til að forvitnast og jú þetta gengur allt eins og í sögu hjá minni konu, svo ég bað bara um að skila kveðju til hennar.

Það varð nú ekki endasleppt með það að koma henni á réttan stað í gærkvöldi, við lögðum hér galvaskar af stað um 19.30 því ég var ekki viss hvar þetta væri og viti menn það tók mig rúman hálftíma að finna staðinn sem annars hefði átt að taka mig 5 mín að keyra hehe og ég sem er borin og barnfæddur Akureyringur. Enn mér til málsbóta þá get ég sagt það að ég sé nákvæmlega bara ekkert í myrkri og alltaf keyrði ég framhjá afleggjaranum sem ég átti að beygja upp, þannig að eftir mína fjórðu ferð framhjá honum hringdi ég í foringjan í annað sinn og þá loksins komst ég á leiðarenda, ég get samt hjúkkað mig yfir því að við vorum þrír bílarnir sem ekki rötuðum á réttan stað, þannig að ég var nú ekki ein um þessa vitleysu.

Annars er mín bara búin að sitja og sauma í Jólakort og ég verð bara að viðurkenna að ég er þrælmontinn af þeim, því þetta er í fyrsta skipti sem ég geri svona lagað.

En svona í lokinn þá ætla ég að sýna ykkur hvernig sumarfríið 2009.

Knús á ykkur dúllurnar mínar