Hlaupabóla hlaupabóla.

Kúturinn minn vaknaði í gærmorgun alsettur í bólum þetta grey og enn eru að spretta á honum bólur, útum allan kropp á augnlokum og vörum líka, meira að seigja uppí honum, þessi elska er svo náttúrulega drulluslappur með þessu öllu og svo til að kóróna þetta allt saman þá er hann með hálsbólgu líka, það á ekki frammaf þessu greyi að ganga, ég held meira að seigja að undir þessu öllu saman myndi hann frekar vilja fara í skólan heldur en að vera svona veikur.

Til að byrja með í gær var hann afskaplega kátur þegar hann vissi að hann væri með hlaupabólu og gamanið fór nú að versna þegar kláðin og hitinn bættist við svo nú liggur þessi elska í mömmuholu afsakplega lítill í sér.

Annars er ég búin að vera óttalega þreytt og uppgefinn allan þennan mánuð, það er vægt til orða tekið þegar ég seigji að það sem búið er af þessum mánuði hefur verið með allra versta móti í allri sinni mynd, það hefur gjörsamlega allt gengið á afturfótunum undanfarið og þá skiptir ekki máli hvert litið er, það gengur nákvæmlega ekkert upp hjá mér núna, bílinn minn er kominn á tími með að skipta um tímareim og eitthv fl og það kostar dágóðan skilding að gera við hann og sá skildingur er ekki til á þessum bæ, en samt verð ég að láta skipta um reimina áður en hún fer alveg því þá mun það kosta mig mun meiri pening.

Ég er búin að panta mér tíma hjá doksa eftir helgi og nú ætla ég að heimta rannsókn á því hvers vegna ég er svona endalaust þreytt, ég er orðin svo þreytt á því að vera alltaf þreytt endalaust, mér finnst eins og allt sem ég geri sé gert á einhverrri auka orku sem er ekki til staðar heldur er ég að keyra á loftinu einu saman og það er ekki gott.

Ég gæti eflaust kvartað endalaust en til hvers, jú kannski myndi mér líða eitthvað betur eftir á en þar sem ég vill frekar reyna að halda í það jákvæða þá ætla ég að gera það.

Ég get til dæmis verið þakklát fyrir það að hafa þak yfir höfuðið, ég á yndisleg börn og yndislegt barnabarn, ég hef nóg í okkur og á. Við tökum okkur saman nokkra morgna í viku og berum út öll saman, kútur er annars mjög duglegur að bera út með okkur á morgnana, röltir þetta með mér í ca 30 mín yfirleitt á hverjum morgni áður en hann fer í skólabílinn, enda vill hann vinna sér inn pening og það mun hann fá, hann er nefnilega ákveðinn í því að safna sér fyrir wíí tölvu  og ég æta að leyfa honum það.

Lífð gengur nokkurn veginn sinn vanagang utan við þau skakkaföll sem dunið hafa yfir mig undanfarið en sem betur fer þá veit ég að fyrri reynslu að betri tímar eru handan við hornið og þá lagast allt aftur, ekki satt.

Athugasemdir

[Valgeir Matthías Pálsson (IP-tala skráð) 14.3.2009 kl. 11:20]

Sæl Helga mín.

Það er ekki nógu gott að vera alltaf svona þreytt. Ég veit að þú gerir þitt besta til að losna við þreytuna. Kannski er það eitthvað sem þú ert að gera, eða eitthvað sem þú borðar. Hver veit???

Heyrðu annars ekki gott að heyra af kúti þínum. Það er ekki gaman að vita að maður sé komin með hlaupabóluna. En hvað er hún lengi að fara úr fólki svona almennt? Er einhver regla á því? Ég sendi stráknum þínum mínar bestu kveðjur og knúsaðu hann frá mér Helga mín.

En annars er gott að heyra frá þér hérna á blogginu. Það er alltaf gaman að sjá þig Helga mín.

Hafðu það sem best elsku Helga mín og knúsi knús.

[Kristín Gunnarsdóttir, 14.3.2009 kl. 11:57]

Þetta fer vonandi að lagast elsku systir, þetta er ömurlegt það sem hefur dunið yfir þig undanfarið. Knus

[Erna Friðriksdóttir, 14.3.2009 kl. 12:04]

Æji vona að kútiurinn nái sér fljótt. Ég sjálf hef aldrei fengið hlaupabólu......... á eftir að kíkja á bloggin þín , það er svo langt síðan ég hef komið hér inná. Knús til þín

[Jónína Dúadóttir, 14.3.2009 kl. 14:55]

[Huld S. Ringsted, 15.3.2009 kl. 10:43]

Eigðu góðan dag Helga mín

[Birna Dis Vilbertsdóttir (IP-tala skráð) 17.3.2009 kl. 13:07]

Gangi þér og þínum vel og vonandi getur doktorinn hjálpað.