Sumarið er komið, sól í heiði skín tralalalalalala

Finnið þið hvað allir verða mikið glaðari og jákvæðari, ég finn það mikið eftir að hlýna fór í veðri og gula snótin fór að láta sjá sig oftar hummmm bara gott.

Hér byrjar morguninn venjulega á blaðburði um 6 leytið eða þegar blöðinn koma og þá er tekið á rás í ca 45 mín, ég er alltaf að keppast við klukkuna þegar ég ber út, vill alltaf gera betur og fara hraðar yfir og hef ég náð þessu á 40 mín en þá líka lak vel af manni.

Kallinn minn fer nú þetta alltaf með mér, kallgreyjið draghaltur og allur orðin skakkur og skældur eftir þessi tvö slys sem hann lenti í í fyrra, alveg merkilegt hvernig hlutirnir geta breyst í einni svipan hjá manni, þetta er maður sem hefur unnið eins og geðsjúklingur alla tíð og óhætt er að kalla hann vinnualka svo bara er öllu kippt undan honum og hann veit ekkert hvernig hann á í rauninni að haga sér, lagðist á tímabili í þunglyndi og kiloinn hlóðust utan á hann, en sem betur fer í dag er hann kominnn í endurhæfingu inná Kristnes og vona ég bara að það geri honum gott.

Annars erum við bara nokkuð góð og krökkunum farið að hlakka ískyggilega mikið til að komast í sumarfrí. Gaurinn er að ljúka 10 bekk og fer í VMA  í haust, eflaust bara á almenna braut fyrsta veturinn en eftir það er stefnan tekinn á hárgreiðslunám ef hann kemst inn.

Kútur er að taka þvílíkum framförum að það er kraftaverki líkast að horfa á hann. Hann mun byrja í 7 bekk næsta haust og erum við öll að vonast til þess að um áramót geti hann byrjað að aðlagast almennum skóla, vá það yrði bara draumur, hann er búin að vera rosalega duglegur að bera út með okkur líka og á hann heiður skilið fyrir það, hann nær yfirleitt ca 20 til 30 mín með mér á morgnana, en reyndar ekki alla morgna en þó flesta.

Títlan mín er líka uppá sitt besta, hún mun fara í 6 bekk og það í nýja skólan sem verið er að byggja hérna hinu meginn við götuna hjá okkur og verður það bara frábært að hún kynnist fleiri krökkum hérna í hverfinu því hérna vill ég vera. 

Að vísu gæti það orðið smá vandamál, en þannig er að elsku litla tíkinn okkar er bönnuð hérna og ég er að hamast við að fá undanþágu fyrir hana, ég get bara ekki hugsað mér að láta hana frá mér, því hún er orðinn eins og eitt af börnunum mínum og lífið yrði svo innantómt og erfitt ef hún þyrfti að fara frá okkur, en ég krosslegg fingur og bið til guðs um að hún fái að vera hérna með okkur áfram.

En nóg af rausi í þetta sinn. 

ADIOS MY DARLINGS ON TIL NEXT

Athugasemdir

[Anna Margrét Bragadóttir, 21.4.2009 kl. 22:44]

'Eg vona svo sannarlega fyrir ykkar hönd að þið fáið að hafa hundin ykkar áfram,þessi dýr verða hluti af manni,við erum einmitt að standa í því sama með litla hundin okkar,en frekar flyt ég en að láta hann fara.

Hafðu það gott mín kæra

[Valgeir Matthías Pálsson (IP-tala skráð) 21.4.2009 kl. 23:11]

Æðislegt að heyra að ykkur gangi sem best Helga mín. Mér sýnist að það sé allt saman að ganga vel hjá ykkur. En það er eins og hún segir hér í fyrra commenti. Það er leiðinlegt með tíkina ykkar. En ég vona að það fari allt saman vel, það mál. Þau gera það nú oftast nær. Ekki satt? 

Gangi þér og ykkur æðislega vel áfram elsku Helga mín og eigið góða og ánægjulega tíma framundan. Þeir verða það svo sannarlega. Það skulum við allavega vona.

Bestu kveðjur og knús á ykkur á Akureyri.

Hafðu það gott vinur.

[Birna Dúadóttir, 22.4.2009 kl. 08:38]

Akkúrat núna er rigning og rok í Kef,en það kemur dagur eftir þennan dag og þá skín sólin  Gangi þér vel með börnin þín og vonandi gengur þetta með hundinn

[Jónína Dúadóttir, 23.4.2009 kl. 07:36]

Góðan dag, gleðilegt sumar og gangi ykkur öllum vel

[Birna Dúadóttir, 23.4.2009 kl. 09:50]

Gleðilegt sumar skvís