Föstudagur til fjár HAHAHA eða þannig.

Ég hef reynt eins mikið og ég mögulega get að láta ekki þetta krepputal snerta mig of mikið, en því miður fer maður ekki mikið varhluta á því að ástandið er vægast sagt skelfiegt og nú hljóta ráðamenn að fara gera eitthvað í þessu veseni, það er bara ekki hægt að bjóða fólki lengur uppá þetta ástand sem ríkir.

Annars verð ég að monta mig aðeins því að gaurinn minn er í prufutúr í einu flottasta kjötborði norðan heiða og ég vona bara svo af öllu hjarta að hann verði sáttur og yfirmenn sáttir við hann, mér finnst það svo afskaplega mikils virði þegar unglingarnir fá einhverja vinnu því ekki veitir þessum elskum af þvi að fá einhvern vasapening eins dýrt og allt er orðið, en ég gerði eins og flest allir þurfa að gera, nýtti mér þau samb sem ég hef og úr varð að hann er nú í þessum skrifuðum orðum að afgreiða í einu flottasta kjötborði norðan heiða eins og ég gat um áður.

Þau mega eiga það þessar elskur börnin mín að þau eru ævinlega ólöt við að vinna og ég vona að það verði eitthvað sem komi til með að fylgja þeim alla tíð, ef þessar elskur ná að mennta sig og fá góða vinnu í framtíðinni þá verður þeim allir vegir færir, það er alla vega mína spá.

Annars er bara allt í góðu hérna meginn sko, ég get blessað mig í bak og fyrir að hafa ekki látið glepjast og keypt mér fasteign í fyrra þegar ég flutti aftur til landsins og það kannski í erlendri mynt eða eignast bíl uppá fleiri fleiri mills og væri þá efaust komin í djúpan við vitið í dag, nei sem betur fer get ég huggað mig við það að eiga bara bíl fyrir shit og ingenting eða svona allt að því að vísu er á honum erlent lán en það telst víst lágt í dag miðað við marga aðra, og vera að leigja á þokkalega sanngjörnu verði miðað við það sem gengur í dag, já ég held það bara að ég geti verið þokkalega sátt, hins vegar get ég alveg viðurkennt það að ég sárkenni í brjóst um það fólk sem er kannski að missa allt sitt útúr höndum sér, því ég stórlega efast um það að nokkuð af þessu fólki hafi hugsað mér sér að svona gætu hlutirnir einmitt farið.

Ég átti nokkuð sorglegt samtal við einn bankamann í gær þegar ég var að forvitnast um stöðu mála hjá mér og þá sagði hann að hann teldi mig nú bara verulega heppna með bílinn minn fyrir shit og ingenting því á síðustu vikum væru lán á bílum sem fólk hefði tekið í fyrra fyrir kannski 4 mills komnar uppí rúma 6 mills og fólk réði ekki neitt við neitt, það sem er sorglegt við þetta samtal er allt þetta fólk sem er að missa kannski meiri part eigna sinna en að góðu fyrir mig að eiga fremur ódýran bíl sem þýðir einfaldlega það að lánið á honum hækkar minna sökum þess hversu lágt það telst, mér prívat og persónulega finnst mitt lán ekki vera svo lágt en þegar ég heyri þessar upphæðir sem nefndar voru ja þá fer maður nú að hugsa.

Það er þetta með þetta HELV lífssgæðakapphlaup sem okkur er svo gjarnt á að falla í, Jón þarf að eiga flottari bíl og flottara hús en Gunna og Gunna rembist eins og rjúpa við staur og ná Jóni og síðan fer allt í skrall.

Ég þekki ein hjón sem EKKI hafa látið glepjast og unnað sátt með sitt, þau eignuðst sína íbúð fyrir hartnær 30 árum og hafa aldrei leyft sér neinn umframmunað og af þessu fólki er ég verulega stolt, stolt af því að þekkja það og sé mest eftir því að hafa ekki tekið þau mér til fyrirmyndar á þessu sviði, ekki datt þeim til hugar að kaupa sér tölvu þegar þær gerðu innrás á sínum tíma ó nei fyrsta talvan var keypt snemma á þessu ári eða seint á því síðasta, gemsi er eitthvað sem allir aðrir notuðu en ekki þau, loksins þegar þau fengu sér gemsa var það eitthvað gamalt sem ef ég man rétt að börnin þeirra gáfu þeim. Þetta fólk hefur svo sannarlega haldið sér á jörðinni og eins og ég benti þeim réttilega á um daginn að ætli þau séu ekki ein af þeim fáu sem ekki þurfa að naga sig í handabökin yfir einhverri óráðssíu, ég hugsa það.

Megi kvöldið og helgin verði ykkur sem allra best

Snjór snjór snjór, allt á kafi í snjó

En mikið er nú samt Jólalegt um að litast þegar snjórinn er svona fallegur, það er svo bjart úti og stillan algjör, æji mér finnst þetta bara fallegt. Hins vegar fannst mér ekkert fallegt að þurfa fara út og sópa og skafa bílinn minn áður en haldið var með krakkana af stað í skólan og þar sem ég er haldinn fullkomnunaráráttu hvað varðar vel skafinn bíl því ég þoli ekki ef það er eitthvað sem byrgir mér útsýni, þannig að það var stokkið út bílinn settur í gang og síðan byrjað að sópa og skafa, en svo ákvað dóttir mín að kæra bræður sína því hún þurfti að fara með eitthvað útí leiksskóla til Birtunar en ég sagði henni að fara á mínum bíl því hennar er ennþá á sumardekkjum en minns er komin á naglana sem betur fer.

Það held ég að verði örtröð á dekkjaverkstæðum bæjarins í dag hérna á Ak enda er það bara gott mál. Títlan mín fékk ósk sína rætta þegar hún leit útúm gluggan og sá alhvíta jörð og tók það mína örskots stund að koma sér á fætur og gera sig tilbúna fyrir fyrsta snjódaginn, reyndar þegar farið var að leita að snjóbuxunum hennar þá var bara ekki nokkur leið að finnar þær og var hér gerð dauðaleit bæði í gærkv og aftur í morgun en ekki finnast buxurnar, ég er helst farinn að hallast að því að ég hafi gefið þær til rauða krossins þegar ég var að gefa hérna fyrr í sumar ásamt fullt af örðum fötum, þannig að nú væntanlega nýtur eitthvert barnið góðs af því og ég þarf að frjárfesta í nýjum handa henni, spurning um að fara bara á rauða krossinn sjálf og kaupa af þeim snjóbuxur á hana, þá væri ég að slá 2 flugur í einu höggi, styrkja gott málefni og finna kannski ódýrar snjóbuxur í leiðinni og kannski yrði ég svo heppinn að finna hennar buxur þar hehe.

Það eru hins vegar alltaf sömu vandræðinn með kútinn minn, að finna á hann vetrarföt sem passa þannig að ég tók þá ákvörðun áðan að ég ætla að kaupa bara flísefni og sauma á hann góðar vetrarbuxur og láta hann svo vera bara í vindbuxum utanyfir þær, annars er ég nú að hugsa um að biðja þá elstu að sauma á hann buxur því hún er jú að læra fatahönnun og því þá ekki að notfæra sér það.

Knús inní snjódaginn.