Þá er komið að síðasta degi jóla.

Og reglan seigjir niður með jólaskraut, en það verður ekki á mínu heimili, alla vega ekki í dag þar sem ég er ennþá að haltrast hér eða styðst við hækjur sem eru hérna heima, þannig að þangað til að ég er búin að jafna mig þá verða jól hjá mér.

Annars eins og ég sagði um dagin þá ætla ég nú bara að skipta út marglitum seríum fyrir hvítar.

Hér vaknaði títlan mín fyrir allar aldir í morgun því hún var svo spennt að komast aftur í gamla skólan sinn að mín var búin að rífa sig upp fyrir kl 6, svo hún ætti að verða vel þreytt eftir daginn. Kútur fór að sjálfsögðu líka í sinn skóla og kom sáttur heim, eftir gærdaginn kom hann að vísu mjög ósáttur heim en það var vegna þess að hann fékk nýja lestrarbók og hún er takk fyrir 117bls og það fannst mínum manni aðeins og mikið fyrir sinn smekk sér í lagi vegna þess að bókinn á undan fyllti bara 99 bls og það var sko allt annað mál. Einnig var hann mjög ósáttur við það að hjúkrunarfræðingur kom í heimsókn og þar var minn vigtaður og hæðarmældur og þar sem hann hafði lést um 1kg og lengst eitthv smá þá var sko bara allt ömurlegt, því minn maður vill sko hvorki léttast né stækka því það kallar á breytingar og það er hann ekki sáttur við.

Við ræddum bæði bók og létting og þegar ég var búin að útskýra þetta allt saman fyrir honum þá fór nú aðeins að léttast á honum augabrýrnar. En það sem þetta barn mitt er hrætt við allar breytingar er bara skelfilegt, þá skiptir ekki máli hvort það séu góðar eða slæmar breytingar, málið er bara það að engu má breyta hvað svo sem það er.

Annars var ég alveg að rifna úr monti yfir honum í gærkv, þannig var að hann var að horfa með mér á þátt þar sem bæði kom fyrir íslenskur og enskur texti annað slagið og kútur las báða textana reiprennandi og var snöggur að, þetta sagði mér það hversu miklum framförum þessi elska er að taka að það er alveg hreint með ólíkindum.

Knús á ykkur elskurnar inní góða jólarest

Já hann fór í skólan þessi elska.

Það var reynt í lengstu lög að nefna ekki skólan í hans eyru í gær og gekk það vel, það varð að vísu uppi fótur og fit þegar mömmuni varð ljóst að skólinn hjá gaurnum og títluni byrjar ekki fyrren á morgun, það er eitthvað sem kútur mátti alls ekki vita af og það hafðist að pukra með það.

Hann að vísu spurði mig í morgun af hverju þau væru ekki komin á fætur en ég bjargaði mér útúr því, annars hefði ekki verið séns að senda hann í sinn skóla.

Með nýju ári vaknaði viðskiptahugmynd í kolli þessarar konu og er ég þegar byrjuð að vinna með hana, hringja í Nýsköpunarmiðstöðina og bera þetta undir þá þar, næsta skerf er síðan að fara í viðtal við þá hérna fyrir norðan og þá verða öll spil lögð á borðið og séð út hvort grundvöllur sé fyrir þessu eður ei.

Ef af þessu verður, verður þetta einna sinnar tegundar hér á landi og gæti orðið þvílíkt spennandi. kostnaður verður að sjálfsögðu alltaf einhver en þó ekki það mikil miðað við start á nýju fyrirtæki.

Þetta gæti einnig verið atvinnuskapandi fyrir fl en mig þannig að hugsanlega þyrfti ég að ráða einhverja í vinnu sem er náttúrulega bara frábært. Já er ekki um að gera að hugsa stórt á þessum síðstu og bestu. Hehe.

Annars gaf helv fóturinn sig í gær hjá mér, sá hægri og haltra ég nú hér um allt hús, svo virðist sem ég missi allan mátt í honum og dreg hann einhvern vegin á eftir mér, svo sest ég niður og jafna mig, en þegar ég fer aftur af stað þá kemur þetta helv aftur og er alveg skelfilega vont.

Ég hef fengið svona í fótinn af og til síðustu 12 ár eða svo, en í þetta skipti leið óvenju langur tími á milli þannig að ég hélt að þetta vær nú kannski búið, en nei svo gott er það nú ekki.

Knús á ykkur elskurnar mínar

Long time no see

Eitthvað er maður púnkteraður þessa dagana nú þegar jól og áramót eru liðin, ég hef óskop lítið verið við tölvu undanfarið, bara hvorki nennt því né viljað.

Í dag snýst lífið um að undirbúa kútinn undir skólabyrjun sem er á morgun og er minn sko alls ekki sáttur við það, gærdagur gekk útá það hversu veikur hann væri orðinn, upp kom handleggsbrot fyrst til að byrja með og tók hann uppá því að teipa á sér allan hægri handlegginn í þeirri von að sleppa við skólan, nú þegar það virkaði ekki, tók við hjartaáfall og ég væri nú meiri grýlan að ætla senda barnið í skólan með hjartaáfall, ekki gekk það nógu vel, þannig að við tók lungabólga svo svæsinn að hann vinsamlegast bað mig að hringja á sjúkrabíl, hann bara gæti varla andað, ekki gekk það heldur, en þá fékk minn svona æginlega dofa í báða fætur og ekki nokkur lífsins leið væri fyrir hann að labba hvorki eitt né neitt, þetta er svona það sem ég man að hans veikindahrinu í gær. Hvað það verður svo í dag er ekki komið í ljós ennþá.

Títlan mín hins vegar ruggar á mörkum þess að verða lasin, er komin með ljótan hósta og hálsbólgu og það er sko ekki að falla í góðan jarðveg hjá minni, því hún ætlar sér sko í skólan í fyrramálið því mín er að byrja aftur í gamla skólanum sínum og finnst henni það nú ekki amalegt.

Já það er víst óhætt að seigja það að þessi tvö börn mín gætu ekki verið ólíkari og þá skiptir ekki máli á hvað hátt það er.

Mikið á ég eftir að sakna allra jólaljósana þegar þau fara að hverfa eitt af öðru næstu daga, einhvern vegin finnst mér þetta gefa svo mikla hlýju og von. Ér reyndar ætla að skipta út ljósaseríum hjá mér og leggja hvítar seríur í flesta glugga hjá mér og hafa þær þar meðan svona dimmt er úti stæðstan part dagsins.

Annars erum við bara góð og hlakka ég til að koma á reglu aftur hér á þessu heimili hvað varðar svefn og annað, því einhvern vegin er það svo að í fríium fer allt í klessu, ég hef meira að seigja náð því nokkur kvöld að vaka framyfir miðnætti og telst það sko til tíðinda á þessum bæ og svo til að kóróna þetta allt saman þá hef ég líka náð að sofa alveg til kl 8.30 suma daga, ja hérna, hvað er að verða um þessa konu, já maður spyr sig hehe.

Knús á ykkur inní góða helgarrest mín kæru

Áramótakveðja og Árið 2008 kvatt og nýju ári heilsað.

Og ætla ég mér að kveðja það hérna og stikla á stóru með það hvernig árið hefur verið hjá mér.

Janúar byrjaði alveg ágætlega, allir undu glaðir við sitt og taldi ég okkur örugg í því húsnæði sem við hefðum átt að hafa á leigu í 3 ár og var fyrsta árinu ekki lokið, en nei svo gott var það ekki, í lok jan fæ ég uppsagnarbréf og forsendur uppsagnar eru þær að elsta dóttirinn þjáist af heimþrá og jary jary, ok ég fór og leitaði réttar míns með þetta og viti menn, uppsögninn var ólögleg, en þar sem ég kunni ekki við að sitja í húsi vitandi að eigendur þess væru á leigumarkaðnum ákvað ég að taka þessari uppsögn. Ok tímin líður og ég finn aðra íbúð fyrir okkur, en þegar einhverjir dagar eru eftir að leigutímanum draga þau uppsögnina til baka og lofa mér því að þetta rugl sé á enda komið og ekki verði meira vesen af þeirra hálfu, ok ég tek því og trúi, en nei svo gott var það ekki.

u.þ.b. tveimur mán seinna er mér aftur sagt upp og nú á forsendum skilnaðar þeirra hjóna, en nú með 6 mán fyrirvara, þarna var mér allri lokið og eftir vangaveltur í einhverja daga ákvað ég að koma mér útúr þessu rugli, ég gat bara ekki staðið í þessu lengur andlega og fann mér annað húsnæði sem ég er í nú, kosturinn við að vera hérna er sá að leigutíminn er bara þetta langur og ekki orð um það meir.

Kúturinn minn gekk í gegnum eitt og annað læknisfræðilega séð, þ.á.m. var hnekkt einum tveimur greiningum sem ég kom með frá Noregi og er það gott mál, hann var tekinn af sínum svefnlyfjum og dregur það enn dilk á eftir sér hvað varðar svefninn, en að sama skapi er hann allur að lifna við og verða opnari og félagslyndari, sem er frábært. Hann er ennþá í besta skóla í heimi og tel ég það vera forréttindi að hann hafi fengið þar inni á sínum tíma, er hann að byrja sína fjórðu önn þar, en þar er ástandið metið eftir hverja önn.

Gaurinn minn hefur svo tekið þvílíkum stökkbreytingum á árinu að það hálfa væri alveg nóg, ég held ég hafi aldrei séð nokkra manneskju þroskast eins hratt og hann hefur gert þetta árið, bæði andlega og líkamlega, oft hef ég sagt við hann og aðra að án hans hefði ég sennilega lent uppá deild í einhver skipti, því svo mikið hefur hann verið mér innan handar með svo margt. Það er leitinn að jafn þrifnum ungling og honum, þessi elska tekur sig til og setur í þvottavél fyrir mömmu sína oft í viku, herb hans er alltaf hreint og fínt og á hann voða erfitt með að sjá drasl útúm allt. Af honum er ég einstaklega stolt.

Títlan mín hefur svo gengið í gegnum eitt og annað, margt gott en annað verra, þessi elska er ein af þeim sem alltaf hefur þurft að eiga mikið af vinum og lengst framan af gekk það vel, hins vegar seig á ógæfuhliðina þegar við fluttum á milli hverfa hér í bæ, hún þreifst mjög ílla og náði engum tengslum við nýja skólafélaga, þannig að á það ráð var tekið að flytja hana aftur í sinn gamla skóla og byrjar hún aftur í honum eftir áramót.

Stórasta stelpan mín hefur svo staðið sig eins og hetja þetta árið sem og öll önnur, þær mæðgur fluttu til okkar á haustmánuðum og voru hjá mér til loka nóv en þá fengu þær loksins íbúð á viðráðanlegu verði og una þær sáttar með sitt á nýju heimili.

Annars verður dagurinn í dag tekin með trompi, stefnan er að elda hérna eins og eitt stykki kalkún og gúmmelaði með, síðan verður haldið af stað og farið á brennu og flugeldasýningu en eftir það verður haldið til tveggja vinahjóna og þar verður horft á skaupið og skálað á nýju ári.

Kæru vinir nær og fjær, ykkur óska ég GLEÐILEGS ÁRS OG MIKILAR FARSÆLDAR Á KOMANDI ÁRI. Megi árið 2009 verða ykkur öllum sem best. 

ÁRAMÓTAKNÚS Á YKKUR ÖLL ELSKURNAR MÍNAR.

 

.....................................

Ekki veit ég hvernig ég á að fara að því að fá kútinn til þess að fara með okkur eitthvert annað kvöld ef eitthvað verður farið, nú harðneitar hann að taka þátt í því að fagna nýju ári, seigjist hata flugelda og vilji hvorki sjá þá né heyra. Þetta er alveg ný bóla hjá mínum, síðustu ár hefur þetta verið eitt það skemmtilegasta hjá mínum, það að sjá rakettur þjóta um himininn, en nei ekki þetta árið.

Ég fékk hann með mér rúnt á þá staði sem seldir eru flugeldar í gærkv til þess að skoða verð og úrval og það var alveg sama á hvað ég benti, ekkert sem heillaði, reyndar er þetta gott á margan hátt, td að nú verður lítið keypt af flugeldum ef þá nokkrir, það kemur í ljós í dag eða morgun.

Gaurinn minn ætlar að eyða áramótunum með sínu föðurfólki og er það bara gott mál, hann er búin að vera mikið með þeim yfir hátíðar og er það frábært, hann var nefnilega búin að vera alltof latur að heimsækja sitt fólk þeim megin, ég vona bara að áframhald verði á þessu eftir áramót og að hann kíki oftar í sveitina til þeirra.

Annars erum við bara góð hérna megin sko. Jenny mín er öll að koma til eftir sín eyrnaveikindi og farinn að gelta þegar dyrabjallan glimur, þannig að í fyrsta skipti er ég glöð með geltið hennar. Alveg er það ótrúlegt hvað maður getur orðið háður þessum dýrum sínum, aldrei á ævi minni hélt ég að líf mitt myndi snúast um hund eða kött, hvað þá heldur að þurfa hugsa fyrir því húsnæðislega séð, hvort dýr megi fylgja manni eða ekki, en svona er maður skrýtin skrúfa.

Títlan er bara sátt og hlakkar til að byrja í gamla skólanum sínum aftur, hún þrifst best ef hún hefur nóg að gera frá morgni til kvölds, alla daga.

Knús á línuna

Enginn titil

Veislan í gær heppnaðist meiriháttar vel, var ég með tvö borð sem bæði svignuðu undan kræsingum, allir komu með eitthv með sér þannig að nóg var af öllu og mikið meira en það.

Hér mættu 36 manns og gekk þetta allt saman snuðrulaust fyrir sig hjá okkur, við konurnar hjálpuðumst allar að bæði við að leggja á borð og ganga frá þannig að engin sleit sér út meira en annar, við komumst líka að því að þessi angi af fjölskylduni sem mætti eru alltof matgrannir því hér var nóg um afganga og ákváðum við að allir tækju sitt með sér heim svo ég sæti ekki uppí með tertur og annað gummelaði langt frammá nýtt ár.

Kútur hélt sig að mestu inní sínu herb, en þangað fékk hann góða gesti en það eru tveir frændur sem heiðruðu hann með nærveru sinni, hann var voða góður í sér og bauð þeim báðum að gista en þeim leist nú ekki alveg nógu vel á það þar sem þeir eru báðir komnir á fullorðinsár, annar 21 árs og hin að verða 17 ára, en gaman þótti honum að hafa þá hjá sér og mér líka, einfaldlega vegna þess að það eru ekki svo býsna margir sem nenna né vilja eyða of miklum tíma með þessari elsku minni.

En minn var sáttur og það er fyrir mestu. Títlan lék sér svo við tvær frænkur og gekk það slysalaust fyrir sig sem betur fer, henni fannst nú ekkert sérstaklega gaman í veisluni heldur vildi mín bara skella sér í sund eða skauta, sem var reyndar ekki látið eftir henni í þetta skipti, en þessi elska mín þarf helst að vera á ferðini frá því hún opnar augun og þangað til hún lokar þeim aftur að kveldi.

Nú vill ég endurtaka leikinn þegar þorrinn gengur í garð og hafa þorrablót hérna, því ég vill að við fjölskyldan förum að gera meira af því að hittast heldur en verið hefur.

Jenný mín er að jafna sig á sýkinguni í eyranu sínu og er að verða söm við sig aftur, við slógum endapunktinn á gærdaginn með því að fara á flugeldasýninguna og tókum við hana með okkur til þess að sjá hvernig henni yrði við og sem betur fer þá kippti hún sér ekkert upp við þetta allt saman, við höfðum hana að vísu inní bíl en opin glugga og henni var alveg sama, þannig að nú veit maður það að henni verður óhætt á gamlárskvöld.

Adios

Það er bara alltaf veisla.

Okkur var boðið í matarboð í gærkv og var það ekki af verri endanum, frekar en við var að búast þegar þessar tvær frábæru mæðgur koma saman og búa eitthvað til, enda eru þær báðar snillingar í eldhúsinu. Það var boðið uppá londinlamb og léttreyktan lambahamborgarahrygg með öllu tilheyrandi og slurp slurp bara geggjað, í eftirrétt var svo heimatilbúin ís sem var algjört sælgæti.

Heim var svo komið um seint og um síðir ( á mínum tíma ) eftir frábært kvöld með þessu fólki. Títlan mín fékk reyndar að gista þar sem önnur þeirra á nú smá part í minni dömu og leiddist minni það ekki að fá loksins að sofa þarna.

Í dag er stefnan tekinn á eitt alherjar jólaboð hérna hjá mér, þar sem við 6 systkininn sem hérna búa leggjum öll í púkkið til þess að halda svona stóra veislu, enda verðum við slatti mörg, þeir sem mæta verða, foreldrar okkar, við systkininn, makar, börn, barnabörn og barnabarnabörn, þannig að hér gæti mundast hin stæðsti hópur þegar upp verður staðið, ekki þori ég nú að kasta tölu á þetta strax, kem með hana kannski inn hérna í kvöld.

Enn ég er alveg sannfærð um að þetta verður hrikalega gaman því ég elska að hafa allt þetta fólk í kringum mig, ég elska að eiga svona stóra fjölskyldu og vildi óska þess að við myndum hittast mikið oftar en við gerum.

En nú er best að halda áfram að undirbúa veisluna.

Knús

Þriðji í jólum og afmæliskveðja....

Og lífið heldur áfram sinn vanagang. Samkvæmt hitamælirnum mínum er 8 gráðu hiti hérna hjá mér í dag, en það blæs alveg þokkalega mikið með þessum hita þannig að það virðist ekki vera jafnheitt.

Jenný litla drottininginn á þessum bæ þurfti að fara til dýralæknis nú í morgun því að hún er kominn með svo hræðilega sýkingu í hægra eyrað, en er mjög algengt með  þessa tegund af hundi, dýralæknirinn gaf henni róandi svo auðveldara sé að þrífa á henni eyrað og gefa henni sýklalyfi, þannig að mín verður sjálfsagt frekar vönkuð í dag þessi elska.

Það er alveg ótrúlegt hvað manni getur þótt vænt um þessi dýr, yfir hátíðar er hún búin að liggja meira og minna í fanginu á mér ef ég hef sest niður einhvers staðar, ég hringdi í dýralæknir í gær og ætlaði með hana þá en þegar ég var búin að lýsa þessu fyrir henni, þá endilega bað hún mig um að bíða til dagsins í dag, því þetta myndi annars kosta mig dágóðan skilding að kalla hana út og þar sem þetta reyndist ekki hættulegt þá ákvað ég að gera það.

það held ég að mín verði glöð þegar hún losnar við óþægindinn af þessu drasli.

Annars er svo stefnan tekinn á búðarráp á eftir, þvi hér þarf að skila einu og öðru sem fengið var í jólagjöf, þar á meðal frjarstýrð drekafluga sem kútur fékk, en bölvuð flugan vill bara alls ekki fljúga og nógu dýr var hún nú samt arg. Ég þoli ekki þegar eitthvað er keypt sem síðan virkar ekki.

Svo þarf að skila nokkrum bókum og einum leik þar sem tvennt af þessu kom í hús á aðfangadag og höfum við nú ekki mikið að gera við tvennt af því.

Í  lokinn langar mig svo að óska henni systur minni til hamingju með daginn, en hún er 30 something í dag.

 

Annar í jólum

og allir búnir að tileinka sér alla þá svefnóreglu sem hugsat getur, hér er vakað framyfir miðnætti og sofið til 9 og 10 á morgnana nema títlan sem sefur eins og unglingur til að ganga 12 og gaurinn sefur enn.

Hangikjötið í gær var alveg syndsamlega gott og ekki skemmdi jafningurinn fyrir heldur slurp, namm, ætluninn var að hafa svo afganga í kvöld en það stefnir allt í það að ekki verði úr miklu að moða í þeim efnum þannig að hér verður eldað læri sem búið er að vera þiðna í nokkra daga á köldum stað.

Við mæðgur lágum bara afvelta í gærkvöldi og  horfðum á báðar íslensku myndirnar sem sýndar voru á rúv og stöð 2 og svo varið lesið í bókini hennar Jónu og er hún hreint alveg snilld þessi bók.

Kútur er bara sáttur með sitt og neitar að fara útúr húsi nema í algerri neyð og sú neyð hefur ekki komið upp ennþá, ég að vísu gat pínt hann í kaffiboðið hjá foreldrum mínum í gær en það var nú bara vegna þess að þar gat hann horft á teiknimyndir og strítt frændum og frænkum alveg helling, honum þótti það nú ekki leiðinlegt þó að mér hafi nú ekki þótt öskrinn neitt skemmtileg.

Annars er stefnan tekinn á rólegheit í dag, búið að að taka þrifskver ryksugað og skúrað og hent í þvottavélina, ég nefnilega nenni ekki að safna upp þvotti þrátt fyrir hátíðar.

Jólaknús á ykkur elskurnar mínar.

Yndislegur dagur afstaðinn

og allir fóru sáttir að sofa, reyndar ekki fyrren um 1 leytið og hefur það ekki gerst í mörg ár. Dagurinn gekk slysalaust fyrir sig, yngstu voru alveg þokkalega róleg lengst framan að. Maturinn var meiriháttar, en það er kominn hef'ð fyrir því að hafa innbakaðan hamborgarhrygg í búttudeig á þessum degi, reyndar var ég með tvö vegna þess að annar er með gráðost og gráðostasósa með honum nammi, hin er svo hefðbundinn með púðursykurbráð og rauðvínssósu, ekki verra.

Títlan mín hefur aldrei verið svona dugleg að ganga frá eftir matinn og lá við að diskar væru rifnir af manni áður en klárað var af honum. Eftir matinn var svo fært sig inn í stofu þar sem títlan las upp jólasögu sem hún samdi sjálf og svo var skellt sér í pakkaflóðið og hrundi eitt og annað úr hverjum pakka, allir fengu bækur og ég þar á meðal og var það bókinn hennar Jónu Á  Gísladóttir bloggvinkonu okkar flestra og byrjuninn á henni lofar meiru en góðu, enda snilldarpenni þar á ferð eins og þið vitið.

Jólakortinn voru opnuð og síðan kom að Ístertuni og heitri marssósu með, bara geggjað og eftir það var svo farið að slappa af með öllum mínum börnum og barnabarni, en elsta mín og hennar barnsfaðir komu eftir að þau voru búin að borða og opna pakka heima hjá henni, það var ákveðið að horfa á eina barnamyd sem leyndist í pakka títlunar og var kúturinn eitthvað orðinn trekktur þvi eins og þið vitið sem mig lesið að þá er hann ekki eins og flest önnur börn.

Það vildi þannig til að Birtan mín braut glas á stofugólfinu og pabbi hennar sótti ryksugu til að ná upp öllum brotum, nú svo þegar þvi var lokið og ekki var búið að ganga frá ryksuguni á réttan stað þá taldi kútur það vera snilldarhugmynd að taka annan kettlinginn og stinga hausnum á honum inní barkan og kveikja á ryksuguni, okkur brá öllum skelfilega þegar þetta uppgötvaðist og allir byrja á garga á kútinn, hvað hann sé eiginlega að gera en hann var ekki að skilja þetta fát sem kom á fólkið sér í lagi á elstu systir sína, en málið er það að um þetta leyti er hann orðinn alveg lyfjalaus og þá dettur honum ýmislegt í hug sem kannski annars hann myndi ekki framkvæma.

Ég benti þó systur hans á það að svona væru öll kvöld hjá mér núorðið eftir að svefnlyfinn voru tekinn af honum, ekki það að hann sé að setja kettling inni ryksugubarka heldur það að lætinn í honum geta alla ært þegar hann byrjar, en sem betur fer þá varð kisu litlu ekki meint af þessu og hefur hún það bar fínt.

Í dag er stefnan tekinn á náttföt og rólegheit frameftir degi, síðan verður kíkt í eins og eitt kaffiboð og í kvöld er það svo hangikjötið góða á borðum hérna nammi namm.

Jólaknús á ykkur elskurnar mínar og megi dagurinn verða ykkur sem yndislegastur 

Jólakveðja

Gleðileg jól og farsælt komandi ár, allir mínir vinir.

Megi hátíð ljós og friðar veita ykkur gleði og hamingju.

Megi árið 2009 verði ykkur öllum til góða.

Guð og gæfan fylgi ykkur um ókomna tíð.

Annars erum við bara góð þessi fjölskylda, mikil spenna kominn í börnin eins og venja er á flestum heimilum, hér er allt tilbúið og jólin geta komið.

 Sendi ykkur öllum hér með (((((((((((((((((((((((( RISA JÓLA KNÚS ))))))))))))))))))))))))))))

Eitt jólalag til ykkar frá mér svona í lokinn.

 

Jólamyndir

Er ekki lag að setja svo inn eins og eitt myndband sem vert er að hugsa um þessa dagana.

Jóla knús á ykkur öll elskurnar mínar.

 

Dagur 1 í sölu að kveldi kominn

og er maður ílla þreyttur eftir þennan dag, en mikið var samt gaman. Salan gekk vel og fólk dáðist mikið af vörunum sem við erum að selja. Undir lok dag fékk ég þó leyfi til þess að færa mig um set og á morgun verð ég svona meira miðsvæðis og vonandi verður bara enn meira sala á morgun en í dag þó hún hafi verið góð í dag.

Kúturinn kom með mér í morgun þegar ég var að raða upp og þar sem það er cd og dvd markaður á sama stað þá tók minn sig til og fór að raða öllum diskum á réttan stað fyrir þá sem eru með þann markað hehe. Þannig að þegar þeir komu á staðinn hafa þeir ábyggilega hugsað sitt að búið væri að raða hluta að dótinu þeirra uppá nýtt.

Títlan mín var svo með mér part úr degi og fannst henni það nú ekki leiðinlegt þegar hún fékk að passa borðið meðan mamman fór í syndina, henni þótti það verst að ekkert var verslað á meðan hún var við stjórnvölinn hehe.

Gaurinn minn kom meira að seigja aðeins við hjá mömmu sinni og sjá hvernig henni gengi og stoppaði dágóða stund hjá mér, þannig að öll börnin mín tóku þátt í þessu brasi mínu og er bara gaman af því.

Í  kvöld er svo stefnan tekinn á sófakús þar sem ég er alveg búin á því og nú þarf að hlaða batteríinn fyrir morgundaginn því þá verður staðið einn dag til í Norðurporti (Krepputorgi) en eftir morgundaginn verður þessari sölu lokið fyrir þessi Jól, þannig að elskurnar mínar ef ykkur vantar ennþá eitthvað fallegt til að gefa í jólagjöf eða nú bara fyrir ykkur sjálf þá er um að gera að kíkja á morgun því þetta eru það ódýrar vörur að það er um að gera að nýta sér það, ekki satt.

ADIOS MY DARLINGS 

Brjálað að gera.

Já það er sko búið að vera nóg að gera á þessum bæ undanfarna daga, meira að seigja svo mikið að ég hef ekki haft tíma til að blogga í eina 2 eða 3 daga,  já hérna.

Ég fór í skólan hjá kút í fyrradag að taka við einkunnum hjá honum og það get ég svarið að ég var að rifna úr monti þegar ég sá þær, lægsta einkunn er 6 og restin svo 7, 8, 9 og 9,5 ekki amalegt hjá mínum. Í þeim skóla sem hann er í er allt svo persónulegt, þarna var boðið uppá súpu og brauð fyrir foreldra og börn og bragðaðist hvoru tveggja meiriháttar vel, svo er maður bara kallaður í smá spjall og allt svo heimilslegt og gott.

Í dag verð ég svo stödd í Norðurporti (krepputorgi) að selja Jóladótið sem ég er með og líka reyndar á morgun, þannig að nú er um að gera að kíkja fyrir þá sem geta og skoða það sem ég hef uppá að bjóða, ásamt fullt af öðrum varning sem aðrir eru að selja þarna líka.

Kallarnir eru báðir útskrifaðir af sjúkrahúsinu sem er bara FRÁBÆRT, því ég var orðin hundþreytt á því að fara þarna 2svar til 3svar á dag.

Annars bara góð.

Sjúkrahúsferðum fækkar ekki.

Það er ekki ein báran stök hjá manni stundum, búið er að leggja báða kallana mína aftur inn, annar kom reyndar heim aftur í gærmorgun eftir 2ja daga veru en þá var hinn lagður inn seinnipartinn í gær og er þar enn. Þetta er alveg með ólíkindum stundum, svol að mínum ferðum þarna á FSA er ekki lokið ennþá hvænar það verður veit enginn, þetta virðist ætla að draga meiri dilk á eftir sér en ég bjóst við í upphafi.

Annars bíða börnin spennt eftir jólafríi, sér í lagi kúturinn minn sem er að farast úr spenning yfir því að komast í skólafrí.

Títlan mín er reyndar líka mjög spennt en af annarí ástæðu þó, málið er nefnilega hjá henni að hún fær að fara í sinn gamla skóla aftur eins og ég hef áður getið um og spennan liggur á þá leið að fara aftur í þann skóla og ég vona svo af öllu hjarta að henni verði vel tekið þar aftur eins og var þegar hún byrjaði þar í upphafi.

Annars erum við bara góð á þessu heimili og reynum alla hvað við getum að vera jákvæð þrátt fyrir allt það sem gegnur á hér.

Knús